Никола Пијанманов е ликовен уметник, роден 1981 г. во Струмица. Дипломирал на Факултетот за ликовни уметности во Скопје. Реализирал повеќе самостојни и групни изложби во земјата и во странство. Како слободен уметник активно се занимава со сликарство, скулптура и сценографија. Негови дела (скулптури и монументални слики) се поставени во јавни простори. Уметнички организатор е во Здружението за култура Транзен преку која организирал бројни ликовни изложби, театарски и филмски проекти. Автор и куратор е на монографии и каталози за ликовната уметност. Студиски и резиденцијални престои остварил во Париз, Њујорк, Сараево и Андрос.