Еклесија е центар за промоција на вера, надеж и љубов како вредности на изворното христијанство. Во сабота, на 24 октомври, во Домот на културата во Струмица ќе се одржи настанот насловен „Исус – Светлина на светот“, кој покрај духовните теми ќе опфати и предавање за поуките од Реформацијата.
Настанот е предвидено да започне во 11:00 часот и да трае до 13:00 часот, а програмата е поделена во три основни тематски целини со соодветни говорници:
- „Светлина на светот“ (врз основа на Евангелието по Јован, глава 8) – предавач: Марко Грозданов;
- „Светлина која преобразува“ (врз основа на Евангелието по Јован, глава 9) – предавач: Тони Урумов;
- „Post Tenebras Lux – Поуки од Реформацијата“ – предавач: Марко Грозданов.
Организатор на овој настан е христијанскиот портал и платформа eklesia.mk. Организаторите упатуваат отворена покана до сите заинтересирани граѓани да присуствуваат на предавањата во Домот на културата.
