Пронајдената граната тешка 13,6 килограми потекнува од Првата светска војна и била наменета за хаубица „М14“. Неексплодирана артилериска граната со калибар од 100 милиметри и тежина од 13,6 килограми беше успешно и безбедно отстранета од брегот на Дојранското Езеро. Брзата интервенција ја изврши Зоран Пејев, пиротехничар од Дирекцијата за заштита и спасување (ДЗС).
Вакви неексплодирани убојни средства (НУС) најчесто се пронаоѓаат во Дојранскиот, Гевгелискиот, Битолскиот и Охридскиот регион, кои во минатото биле зафатени од воени дејствија. Граѓаните се повикуваат на максимална претпазливост и доколку забележат сомнителни предмети, веднаш да ги известат надлежните служби.
Извор:
– Facebook страна на ДЗС
