Дали знаете дека една од најхранливите намирници чини само околу 100 денари за килограм? Пилешкиот дроб е вистинска нутритивна бомба — а повеќето луѓе го игнорираат!
Зошто пилешкиот дроб е суперхрана?
- Аминокиселини– пилешкиот дроб ги содржи сите 9 есенцијални аминокиселини, што го прави комплетен извор на протеини со висока биолошка вредност.
- Исклучително е богат со витамин Б12 — над 1,000% од дневната норма. Една порција = потреби за цела недела.
- Богат е со рибофлавин (B2).
- Исклучително е богат со витамин А — клучен за вид, кожа и имунитет.
- Претставува одличен извор на железо (хемско) — најлесно е апсорбирано од организмот, одлично против анемија.
- Богат е со бакар — 500% од дневна норма, еден од најдобрите прехранбени извори.
- Богат е со фолна киселина — исклучително важна за бремени жени.
- Е одличен извор на селен.
И сето ова за само 100 денари по килограм — додека пилешките гради, свинското и говедското месо чинат и по неколку пати повеќе!
Споредба на пилешкиот дроб со пилешки гради, свинско и говедско место (на 100г зготвено месо):
| Хранлива вредност | Пилешки дроб | Пилешки гради | Свинско ребро | Говедски слабински стек |
|---|---|---|---|---|
| Калории | 167 kcal | 165 kcal | 291 kcal | 206 kcal |
| Протеини | 24.5 g | 31.0 g | 23.7 g | 26.0 g |
| Масти | 6.5 g | 3.6 g | 23.0 g | 10.0 g |
| Јаглехидрати | 0.7 g | 0 g | 0 g | 0 g |
| Холестерол | 560 mg | 85 mg | 85 mg | 71 mg |
Минерали
| Минерал | Пилешки дроб | Пилешки гради | Свинско ребро | Говедски стек |
|---|---|---|---|---|
| Железо | 8.8 mg | 0.7 mg | 1.1 mg | 2.6 mg |
| Цинк | 3.3 mg | 1.0 mg | 2.9 mg | 5.3 mg |
| Селен | 55 µg | 27 µg | 33 µg | 28 µg |
| Бакар | 0.5 mg | 0.04 mg | 0.1 mg | 0.08 mg |
Витамини
| Витамин | Пилешки дроб | Пилешки гради | Свинско ребро | Говедски стек |
|---|---|---|---|---|
| Витамин A | 3,300–4,000 µg RAE | 13 µg | 0 µg | 0 µg |
| Витамин B12 | 16–17 µg | 0.3 µg | 0.6 µg | 2.5 µg |
| Фолати (B9) | 560 µg | 4 µg | 7 µg | 10 µg |
| Рибофлавин (B2) | 2.3 mg | 0.1 mg | 0.2 mg | 0.2 mg |
Вредностите се прикажани според USDA FoodData Central стандарди, нормализирани на 100 g готвена храна (печена/динстана/варена во зависност од производот), со унифициран метод за споредливост меѓу различни видови месо. Извор: USDA FoodData Central: https://fdc.nal.usda.gov/
На што треба да се внимава?
- Пилешкиот дроб содржи многу висока количина на витамин А, па не се препорачува да се јаде во големи количини секој ден.
- Има висока содржина на холестерол, но кај повеќето здрави луѓе холестеролот од храната има значително помало влијание врз нивото на холестерол во крвта отколку заситените и транс мастите.
Извори:
- USDA FoodData Central — fdc.nal.usda.gov
- Healthline: “Chicken Liver Nutrition” — healthline.com
- Nutritionvalue.org
