Проект „Е-општина“ за елиминација на чекањето ред на шалтер, двосменска општинска администрација и онлајн платформа за пријавување проблем до општината
Забрана за издавање под концесии на јавните објекти и замена на тендер-системот со специјализирани општински јавни претпријатија
Изградба на кружни текови за забрзување на сообраќајот и развивање на „бајк-френдли општини“ фокусирани на развојот на велосипедската инфраструктура
Модернизација на градскиот и приградскиот јавен транспорт со модерни автобуски постојки (во и вон урбаните средини) и возен ред во склад со секојдневните потреби на граѓаните
Планско градење и хортикултурно уредување на секоја зелена јавна површина во општините, со одржување беспрекорно ниво на јавна хигиена, преку секојдневно миење на улиците и редовно чистење на дивите депонии и речните корита
Намалување на загадувањето на воздухот, животната средина и на природата (компостирање, погони за селекција и рециклирање на отпад, примена на „зелени технологии“) – со редовно планско пошумување на јавните површини
Бесплатни градинки и бесплатна исхрана за сите ученици во основните и средните училишта, како и општински возен парк за бесплатен превоз на ученици
Отворање на пензионерски домови за нега и домување на стари и изнемоштени лица
Народни кујни за бездомници и сиромашни лица и шелтер-центри за жртви на семејно насилство
Дневни центри за деца и лица со попреченост и потреба од туѓа нега и внимание
Осовременување на возниот парк на територијалните Противпожарни служби и на возилата за Брза помош
Изградба на стационари за бездомни животни и кучиња-скитници.
Поддршка на локалниот спорт, спортските сојузи и клубови (со реновирање на стадиони, спортски сали и детски игралишта), како и развој на алтернативниот туризам
Пренамена на напуштени објекти, руинирани згради или фабрички хали во автономни културно-социјални центри наменети за младите креативци (за конференциски простор, кафе-книжарници, сувенирници и концерти)
Заштита од штетната ноќна бучава и нарушување на спокојот на соседствата, со забрана за прекумерната бучава од сите гласни машини, кафулиња, верски објекти и сл.
