Во заедничка акција на полициски службеници од Секторот за меѓународна полициска соработка и СВР Струмица, денеска во раните утрински часови, околу 03:30 часот, беа лишени од слобода две лица кои беа во бегство од казнено-поправна установа. Станува збор за триесет и едногодишниот С.М. и триесет и осумгодишниот М.М., двајцата од Струмица, кои претходно биле правосилно осудени за сторено кривично дело тешка кражба. С.М. издржувал затворска казна во траење од пет години, додека М.М. бил осуден на казна затвор од четири години.
Двајцата бегалци подолг период биле недостапни за органите на прогонот откако претходно успеале да избегаат од Казнено-поправната установа Затвор Струмица. По нивното приведување и спроведување во полициска станица, лицата веднаш биле транспортирани назад во струмичкиот затвор. Тие во текот на денешниот ден се веќе спроведени во установата каде што ќе го продолжат доиздржувањето на изречените затворски казни.
Извор:
– Facebook страна на МВР
