Одбојкарскиот клуб ОК Струмица го започнува својот пат во најелитното европско клупско натпреварување, CEV Champions League. Поради немање спортска сала која ги задоволува CEV стандардите, струмичани се приморани да настапуваат во Скопје.
Иако ОК Струмица оваа година настапува со млада екипа, тимот покажува голем ентузијазам и верба, а ќе биде предводен од нашите докажани репрезентативни легенди: Владо Милев, Филип Маџунков и Тиме Ричлиев.
„Играме далеку од дома, но ја носиме Струмица со нас. Зашто да се биде дел од Лигата на шампиони значи да се игра меѓу најдобрите. Со страст, дисциплина и верба, го претставуваме градот и македонскиот спорт на највисоко европско ниво“, порачуваат од клубот пред дуелот.
Голем предизвик на стартот
Првиот натпревар во Лигата на шампионите е закажан за:
- Кога: Среда, 22 октомври
- Противник: Динамо Букурешт (Романија)
- Каде: Сала „Јане Сандански“ – Скопје
- Почеток: 17:00 часот
Клубот ги повикува сите љубители на одбојката и спортот да дојдат во Скопје и да ја пружат својата поддршка. Почувствувајте ја магијата на Лигата на шампиони!
Извор:
– Facebook страна на ОК Струмица
