По повод значајниот јубилеј – 165 години од постоењето на училиштето во село Робово, на македонски народен јазик, се одржа свечена академија во чест на долгата и богата просветна традиција.
Настанот беше исполнет со пригодна културно-уметничка програма, рецитации, музички точки и обраќања, преку кои беше истакнато значењето на училиштето како темел на образованието, културата и духовниот развој на заедницата. Присутните имаа можност да се потсетат на историјатот на училиштето, неговата улога низ годините и придонесот на наставниците и генерациите ученици кои оставиле трага во неговото постоење.
Свечената академија помина во достоинствена и празнична атмосфера, со порака дека образованието на мајчин јазик е трајна вредност и обврска кон идните генерации.
Со овој настан, училиштето во с. Робово уште еднаш ја потврди својата мисија – да биде чувар на знаењето, традицијата и иднината веќе 165 години.
