Демократите освоија мнозинство во двата дома на американскиот Конгрес

1 мин. читање
Rep. Katherine Clark, D-Mass., the House minority whip, from left, House Democratic Leader Hakeem Jeffries, D-N.Y., and Democratic Congressional Campaign Committee Chair Suzan DelBene, D-Wash., attend a watch party at a hotel on Capitol Hill in Washington, Tuesday, Nov. 3, 2026. (AP Photo/J. Scott Applewhite)

Демократската партија оствари победа на среднорочните избори во САД, освојувајќи мнозинство во Претставничкиот дом и Сенатот, според првичните неофицијални резултати.

Со тоа, од јануари демократите ќе имаат контрола врз двата дома на Конгресот, додека Доналд Трамп ќе продолжи да ја извршува претседателската функција. Ваквата политичка поделба може да донесе нови предизвици во односите меѓу Белата куќа и законодавната власт.

Трамп им ја честиташе победата на демократите, најавувајќи подготвеност за соработка, но истовремено потсети дека располага со претседателско право на вето.

Според политичките аналитичари, врз изборниот исход влијаеле незадоволството од војната во Иран и економските последици. Изборните резултати веќе предизвикаа реакции на светските финансиски пазари, со пад на американските берзански фјучерси, дел од акциите и вредноста на доларот.

Аналитичарите очекуваат дека новиот распоред на политичките сили во Вашингтон ќе има влијание врз економската политика, инвестициите во вештачка интелигенција, одбраната и меѓународните односи.