Еден рид, едно откритие и една приказна што веќе две децении ги интригира археолозите, туристите и љубопитните умови ширум светот. Добредојдовте во Високо.
Приказната
Во 2005 година, Семир Османагиќ го погледнал ридот Височица кај градот Високо и видел нешто што никој пред него не го забележал — совршени, речиси геометриски страни, кои потсетувале на пирамида постара и поголема од египетските. Наскоро тимот ,,открива” уште четири локации: Пирамида на Месечината, на Змејот, на Љубовта и Храм на Земјата.
Човекот зад откритието
Д-р Семир Османагиќ (роден на 1 јуни 1960 година во Зеница, Босна и Херцеговина) е босанско-американски истражувач, автор и претприемач. Живее и работи во Високо (Босна и Херцеговина) и Хјустон (САД).
Доктор на науки по социологија на историјата на Универзитетот во Сараево, со дисертација за цивилизацијата на Маите. Магистер по меѓународна економија. Странски член на Руската академија на природни науки (2009) и многу други почести и титули.
Тунелите Равне — лавиринт под пирамидите
Само 2,5 км од Пирамидата на Сонцето се наоѓа влезот во тунелскиот комплекс Равне — мрежа долга 3,8 км, откриена во 2006 година. При откривањето, тунелите биле речиси целосно исполнети со чакал и ,,материјал за полнење”, а интерно радиокарбонско датирање на органски материјали покажало дека системот бил затворен пред околу 4.500–5.000 години. Меѓу конкретните наоди во тунелите се:
– Јајцевиден керамички мегалит — блок откриен во природна состојба, за кој се тврди дека покажува исклучителни ,,лечебни фреквенции” и служи како своевиден проводник на енергија.
– Блок со седум дупки — правоаголна плоча веднаш до мегалитот, со седум отвори за кои се мисли дека симболизираат седум чакри.
– Рунски блок — плоча со врежани симболи, откриена под конгломератот дури во 2007 година. Според тимот, прелиминарниот превод укажува на порака за ,,космичка порта” од древна цивилизација.
– Керамичките блокови К1, К2 и К3 — сместени долж Рута 1 од тунелите, опишани како енергетски засилувачи, покрај ,,соба за лекување” на крајот на патеката.
– Мерења на негативни јони — во една просторија на 340 м од влезот, измерена е просечна концентрација од 45.000 јони/см³, што застапниците ја поврзуваат со подобрена имунолошка функција и чувство на релаксација.
– Фосилизирани листови — пронајдени меѓу слоеви ,,бетон”, јаглеродно датирани на околу 30.000–34.000 години — бројка која Османагиќ ја користи за да ја процени староста на целиот комплекс.
На самата пирамида
Според проектот, северната страна на “Пирамидата на Сонцето” е порамнета со географскиот север со прецизност што ја надминува онаа на Големата пирамида во Гиза. Блоковите на површината, според тимот, се состојат од глина и конгломерат комбинирани во ,,бетон” посилен од современиот.
Трите главни пирамиди формираат совршен рамностран триаголник поврзан со Фибоначиевата спирала.
Слоеви историја под секој чекор
На самиот врв на Височица стои нешто автентично и историски потврдено — Стари Град Високи, срцето на средновековното Кралство Босна во 14 век, каде кралот Твртко I ги потпишувал своите повелји. Во подножјето лежи Мило, местото каде се крунисувале босанските кралеви, а пред тоа — римска опсерваторија.
Науката имa свој поглед
Геолозите го објаснуваат целиот феномен како ,,flatiron” – формација — природен процес каде наклонети слоеви карпи, обликувани од ерозија низ милениуми, добиваат остри триаголни страни. Група водечки европски археолози дури издале официјална декларација во која проектот го нарекуваат сериозна закана за вистинските археолошки наоди во регионот.
Заклучок
Дали би го посетиле Високо за да си создадете сопствен впечаток?
Без разлика дали е древна пирамида скриена под слоеви земја, или ремек-дело на природата обликувано низ историјата — Високо е место каде легендата и науката се сретнуваат, а секој посетител си создава сопствено мислење.
Фотографија: ,,Alleged Moon Pyramid in Visoko” by Radosław Botev, CC BY-SA 2.5, Wikimedia Commons
Фотографија: TheBIHLover, CC BY-SA 4.0, преку Wikimedia Commons — https://commons.wikimedia.org/…/File:Bosnian_Pyramid_of…
Извори:
- Wikipedia — “Bosnian pyramid claims”
https://en.wikipedia.org/wiki/Bosnian_pyramid_claims - Smithsonian Magazine — “The Mystery of Bosnia’s Ancient Pyramids” (Colin Woodard, 2009)
https://www.smithsonianmag.com/history/the-mystery-of-bosnias-ancient-pyramids-148990462/ - Atlas Obscura — “Visočia, the Bosnian Pyramid of Visoko in Visoko”
https://www.atlasobscura.com/places/visocia-the-bosnian-pyramid-of-visoko - Atlas Obscura — “Novak Djokovic and the Power of a Bosnian Pyramid”
https://www.atlasobscura.com/articles/bosnian-pyramid-novak-djokovic - The Archaeologist — “Bosnian Pyramids: Visoko’s Controversial 12,000-Year Structures”
https://www.thearchaeologist.org/blog/bosnian-pyramids-visokos-controversial-12000-year-structures - Emerging Europe — “Are there ancient pyramids in Bosnia and Herzegovina?”
https://emerging-europe.com/culture-travel-sport/are-there-ancient-pyramids-in-bosnia/ - Medium (Ashlyn Beaudoin) — “The Bosnian Pyramids of Visoko; A Case Study Critiquing Semir Osmanagić’s Pseudo-Archaeological Claims”
https://medium.com/@ashlynb1684/the-bosnian-pyramids-of-visoko-a-case-study-critiquing-semir-osmanagi%C4%87s-pseudo-archaeological-9c896fd3b616 - mru.ink — “The Bosnian Pyramids: 12,000-year-old Advanced Ancient Structures Hidden Beneath The Hills?”
https://mru.ink/the-bosnian-pyramids/ - Diplomacy&Commerce — “Bosnian pyramids and the tunnels of longevity in Visoko” (интервју со Османагиќ)
https://www.diplomacyandcommerce.rs/bosnian-pyramids-and-the-tunnels-of-longevity-in-visoko/ - Journal of Biomedical Research & Environmental Sciences (jelsciences.com) — два труда поврзани со проектот на Османагиќ:
“Multidisciplinary Evaluation of the Pyramid-Shaped Formation near Visoko…” https://www.jelsciences.com/articles/jbres2106.php
“Bosnian Pyramids as Energy Amplifiers… https://www.jelsciences.com/articles/jbres2122.php
11. Wikipedia — “Semir Osmanagić”
